Getty-k argazki artxiboa zabaldu du, sarean doan erabiltzeko

Argazkiak webgune, blog eta sare sozialetan erabili ahal izango dira, baina ez helburu komertzialekin.

Kode baten bidez txertatu ahal izango dira Getty Images enpresaren argazkiak webgune, blog edota sare sozialetan. "Getty Images mundu bisualago bat sortzeko bidea zabaltzen ari da. Gure funtzio berriak ahalbidetzen du edonork era erraz, legezko eta doakoan gure argazkiak elkarbanatzea", azaldu du enpresak.
Argazki artxibo zabala du Getty Images-ek. Zehaztu duenez, ezingo dira irudi horiek helburu komertzialekin erabili, eta publizitatea aipatu du adibide gisa.

Iturria: Berria.info