Konexiorik gabe Google Docs erabiliz

Gazteleraz, nahikoa txukun azaltzen zaigu konexiorik gabe driveko dokumentuak erabiltzeko aukera.

Cómo Usar Google Docs Cuando Estás Desconectado

DropItToMe, ikasle eta kideen artxiboak Drivera biltzeko aplikazioa (google konturik gabe ere)

DropItToMe Dropbox, Google Drive edo OneNote kontuan integra daitekeen erreminta da. 

DropItToMe bidez edozein pertsonaren artxiboak bil daitezke eta artxibo horiek, zuzenean, Dropbox, OneNote edo Google Drive karpeta batean jasota geratuko dira. Erreminta honen bidez ikasleek ala gure kideek, artxibo bidaltzaileak, ez du biltegia den karpetaren edukia ikusten. 

Hala, eduki guztia erakusten duen karpeta partekatua sortu beharrean, pasahitza jakin bat duen edozeinek artxiboak txertatu ditzakeen karpeta sortzen da, baian haren eduki osoa erakutsi gabe.

Aukera hau baliagarria da ikasleen argazkiak biltzeko. Ikasle bakoitzak bere argazkia guztientzako komuna den karpetan biltegiratzen du, baina ez du karpetaren edukia (gainontzeko ikasleen argazkia) eskuratzeko aukerarik.

Google konturik ez dutenentzat fitxategi digitalak, IKT jarduerak, entregatzeko bikaina. Driveko karpeta batean beren lanak gorde daitezke inongo goole konturik gabe; irakasleak emandako URL eta pasahitza jakina edukitzea nahikoa.

Ikus bideoa.

OHARRA: Artxiboak biltegiratzeko banakako identifikaziorik ematen ez denez artxiboaren izena ezartzerakoan identifikatze sistema aurrez adostea komeni da.

Driven fitxategien kopiak egiterakoan... pausu batean bi!

EKI edo beste arloren batean, txantiloien kopiak egiterakoan, pausu hauek jarraitu ditugu orain arte:

• Txantiloia ireki
• Txantiloiaren kopia egin
• Irakaslearekin partekaturiko karpetara mugitu
• URL-a ikasgunen itsatsi
• Sortu dugun kopia editatu

DRIVEko dokumentu, kalkulu-orri eta aurkezpenetan kopia egitea sinplifikatu egin da. Txantiloiaren kopia egitea eta dagokion karpetan kokatzea, biak pauso berean, egiterik dugulako. Gainera kopiaren izena ukitzerik badugu pausu honetan bertan.

Ikus jarraian duzuen azalpena.

The Work Collector: Ikasleek irakasle Drivera artxiboak igoitzeko scripta

Google konturik ez duten ikastolako partaideek (LHko gazteenek eta gurasoek agian) arazoak izan ditzakete iarakaslearekin fitxategiak partekatzeko garaian.
Beheko bideoan egiten den azalpena ikusi eta google konturik gabe, postarik gabe, irakaslearen drive biltegira artxiboak igotzeko aukera badageola ikusiko duzue.
Aukera horrek scriptetan oinarritzen den makro batean du oinarri:
Ikaslea blog batean duen loturatik ala qr kode baten bidez jasotzen duen helbidean sartu eta fitxategi bidalketarako inprimaki sinplea ikusi eta exekutatzen du. Makroa prestatu duen irakasleak, bere drive biltegian jasotzen du. (makroaren lotura bukaeran duzue)