Orain gutxi jaso dugun prestakuntzan aipaturiko moduan, hurbilago ditugu irakurketa zailtasun, dislexia... hala ikasketa letratuan aritzeko mugak diagnostikatu zaizkien ikasleak.
Hala, zenbaitetan testuak dakarkin irudietan, animazioetan... erreparatuta, irakasleak irakurriko den testuaren ideiak irudiaren bidez azpimarratuta, ikasle hauen eta gainontzekoen ulermena erraz lezake.
Testu horiek, kasu askotan, bideo laburrez lagun daitezke. EKI proiektuko testu askok bideoa dute lagungarri.
Gainera, hainbat irakasle hasiak gara IDU (ikaskuntzarako diseinu unibertsala) inklusio ikuspuntutik:
-Ikasketarako oinarrizko testuen bertsio laburtuagoak eskaintzen.
-Irakaslearen azalpenen audio eta bideo euskarrian grabaturikoak eskaintzen.
-Fitxak izaniko hainabt jarduera, galdetegi bihurtzen.
...
Irakurtzeko zailtasunak dituzten ikasleen mesedetarako.
IKTek badute zailtasun hainbat dituzten ikasleen laguntzarako. Batetik, normalean, askoz ere bisualagoak izaten dira eta bestetik zailtasun espezifikoetarako tresna desberdinak eskaini ditzakete:
-Hizkuntza menderatzen ez duen ikaslearentzat itzultzaileak badira. (itzuli, read&write,translator...)
-Disgrafia eta disortografia dutenentzat, zuzentzaileak eta ahotsa testu bihurtzen dutenak (docs grabagailua, red&write...)
-Testua irakurtzen zituztenak ere entzun izan ditut baina euskarazko irakurketaren kalitatea eskasa ordea.
Azken egunotan aplikazio bat frogatzeko aukera izan dut: IRAKURLE DIGITALA, sei hizkuntzatan eskainia, artean EUSKARA. Eta irakauketa maila nikaina ez badu ere, zer esango dizuet, onartzeko modukoa duela iruditzen zait. Chrome nabigatzailean instala daiteke eta Elhuyarrek garatu du, Berritzeguneetako webgunearen bidez deskarga daiteke:
Chrome nabigatzailerako deskarga eta azalpenak
